“अखेरचा श्वास....”

अखेरचा श्वास माझा रिकामा
निमीषभरात सरुन जाईल
आधीच मिणमीणती ज्योत माझी
नकळत कुणाच्या विझुन जाईल

ति दिवा विझतानाची केवीलवाणी
धडपड उगाच मागे वळुन पाहु नकोस
जाईन विरघळुन मग अंधारात मी
उगाच दिव्याकडे पाहु नकोस...

ति तडफड पाहाताना कदाचीत
तुझ्या डोळ्यांत येईल पुर
ते नाही बघवणार माझ्याने
म्हणुन जा तु निघुन दुर

प्राक्तनी अंधार घेऊन जगलो आजवर
त्यातच आज मिसळायचे आहे
लढलो आजन्म ज्या काळोखाशी
त्यातच आज स्वतःला हरवायचे आहे…

नेहमीच तुमचाच

ओंकार