रात्र ही थोडी फक्त तुझ्यासाठी....

सरतो तो नेहमीचा दिवस
अन माझे ते नेहमीचे यांत्रीक जगणं
रात्र.... रात्र ही थोडी वेडीच असते
कळत नकळत मनाला तुझी ओढ लावुन जाते
नसतेस जवळ तु माझ्या तरीही
सा-या जगाचा विसर मात्र अगदी नकळत पडतो
काही वेळ का होईना आपण एकमेकांचेच असतो
जगत असतो तेव्हा
फक्त एकमेकांसाठीच.... एकमेकांसोबत....
दिवसभर नुसताच अबोला....
पण त्या दिवसभरच्या दगदगी पेक्षा,
रात्रीचा गारवा नेहमीच मला हवाहवासा वाटतो
कारण तो दिवसभरचा अबोला
रात्री मात्र संपतो
रात्र थोडीशी वेड लाऊन जाते
ती माझ्या मनाला तुझी
ओढ अनामिक लाऊन जाते