त्या रातराणीचेमदहोश करणारे गाणं..
ति दुरवर कुठेतरी थरथरती वात...
अन..तशीच अंगणात मोहोरणारी तु..
माझ्या आठवणींनी...
रात्रीच्या रंगमंचावर एक एक अंक सरणारा.
अन चंद्र...बेभान होऊन बरसणारा.
आपल्या उदरात गावास घेणारं धुकं..
त्यातही...बासरीची तान होऊन गुंजणारी तु...
माझ्या आठवणींनी
पहाटे गवतावर अलगद पहुडलेले दवबिंदु..
दवबिंदुंनी ओल्या वाटेवर उमटलेली पाऊले
दुरवर कुठेतरी कोकीळेचं वेडं लावणारे कुजन..
मला आठवत भुपाळीचा राग आळवणारी तु..
माझ्या आठवणींनी...
ओंकार
No comments:
Post a Comment