वृत्त - मनोरमा
गण - गालगागा गालगागा
मात्रा - १४
==============
"ज्वार"
वेढला "अंधार" का हा?
भावनांचा "ज्वार" का हा?
काळजासी बोलवेना
वेदनेचा "वार" का हा?
पापण्यांना का कळेना
काळजासी "भार" का हा?
आठवांच्या सागराला
लाभलेला "थार" का हा?
मंद प्रीतीचा तुझ्या रे
आज "अत्याचार" का हा?
सांग चंद्रा रात झाली
चांदण्यांना "मार" का हा?
भांडलेले प्रश्न सारे
वीट आला "यार" का हा?
थेंब सारे धुंद झाले
पेटला "अंगार" का हा?
सोडले मी बंध सारे
मोडला "संसार" का हा?
ओंकार
No comments:
Post a Comment