मीही कविता केली असती

मीही कविता केली असती
पण करता येत नाही भावना त्यातुन व्यक्त केल्या असत्या
पण ऐनवेळी शब्दच सुचत नाहीत.
मीही काहीतरी लिहीले असतेजे लोंकांना पटले असते

त्यांनीही कधीतरी बोलता बोलता माझीही आठवण काढली असती
पण काहीतरी लिहीण्यासाठी वेळच मिळत नाही
मी कविता केली असती तुम्हाला वाचुन दाखवली असती
ति कविता वाचता वाचता शब्दरुपाने तुमच्या मनातही डोकावलो असतो
पण काय करणार तुमच्या मनात डोकावण्याचे सौभाग्य आम्हाला लाभत नाही

मिही तुझ्यावर काही कविता लिहीली असती
तुला एकांतात ति सांगितली असती
तुझ्या चेहरया वर दोन क्षण नकळत हास्य उमटले असते
पण ते हास्य पाहाणे कधीही मला जमले नाही

ठिक आहे मी कुणी कवी वेगेरे नाही
भावनांच्या आकाशात उडायला मला अजुन जमत नाही
काव्यातुन आपल्या भावना व्यक्त करायला मला अजुन येत नाही
शांतते मध्ये कवींसारखे मन माझे अजुन रमत नाही
तु जवळ नसलीस तरी तु सोबत असल्याच्या भास मला होत नाही
वाळवंटामधील म्रूगजळ मात्र मला अजुन दिसत नाही
कारण मनाचा वेध घेणारे काव्य मात्र मला अजुन जमत नाही