ठरवलं ना एकदा
मागे वळुन पुन्हा,
आता नाही बघायचं...
विसरलेल्या आठवणींना,
आता नाही आठवायचं...
चुकार हळव्या क्षणात,
आता नाही फसायचं...
अपेक्षांचे ओझे आता,
मनावर नाही बाळगायच...
नागमोडी वळणावर आता,
नाही जास्त रेंगाळायचं...
निसरड्या वाटेवर आता,
नाही आपण घसरायचं...
स्वतःच्या हाताने आता,
स्वतःला सावरायचं...
नी स्वतःचे आयुष्य,
स्वतःच आपण घडवायचं...
ओंकार
tech tar mala kadhipasun hav hote re.......
ReplyDelete