मनातली "ती"....

प्रत्येकाच्या मनातली "ती"..
कधीतरी....बोलकी झालीच होती...
थोडी लाजरी होती...थोडी बुजरी होती...
थोडीशी अल्लड थोडी निरागस होती...
माझ्याही मनातली "ती"
अगदी अशीच होती...
कधी...मुक्त कोसळायची...
श्रावणातल्या...निर्झर झ-यासारखी...
कधी...रुक्ष वाळवंटासारखी भासायची...
कधी बोलकं करुन जायची सा-यांना..
कधी...निषब्द करुन जायची....
प्रत्येकाच्या मनातली "ती"
एक वेगळाच आनंद देऊन जायची....
कधी...घेऊन यायची..सोंग..छंदाचे..
कधी मुक्तछंदात बहरायची....
तीच मनातली "ती".
पांढ-या कागदांवर उतरली होती..
कोणी म्हणे "भावना"...
कोणी म्हणे "कल्पना"...
प्रत्येकाला "ती" 
त्याची हक्काची वाटायची...
प्रत्येकाच्या डोळ्यातुन "ती" 
त्या अबोल रात्री...ओघळायची...
माझ्याही मनातली "ती"....
मला....क्षितीजापार..घेऊन जायची...

ओंकार
(Spl. Credits...to Santosh Kudtarkar)